İranda zəlzələ - Xəsarət alanlar var

İranın Hormozqan əyalətində 5.2 bal gücündə zəlzələ baş verib.

Teleqraf.com xəbər verir ki, yeraltı təkanlar yerli vaxtla saat 14:24-də qeydə alınıb, episentr Keşmə dairəsindəki Laft kəndinin yaxınlığına yerləşib. Zəlzələnin ocağı isə 10 km dərinlikdə yerləşib.

Hadisə nəticəsində üç nəfərin yaralandığı bildirilib. Xəsarət alanlar hadisə yerindən təxliyyə olunublar və xəstəxanaya yerləşdiriliblər.

Zəlzələ nəticəsində 15 yaşayış binasına ziyan dəydiyi bildirilir.