15 May 15:03
643

Türkiyənin Muğla şəhərinin Datça mahalında Məhəmməd Yüksəl adlı şəxs dənizdə mərmərdən düzəldilmiş, üzərində aslan motivi olan qadın heykəli tapıb.

Teleqraf.com xəbər verir ki, Məhəmməd Yüksəl üzərkən dənizin dibində parıltılı mərməri görüb, suya baş vuraraq onu sahilə çıxarıb.

Dərhal jandarmaya xəbər verib və heykəli ondan hadisə yerinə gələn heyət təhvil alıb.

Kolleksioner olan Yüksəl ətrafına yığılan şəxslərə qadın heykəlinin üzərindəki işarələri göstərək onun aslan fiquru olduğunu deyib.

O, heykəli Amazon qadınlarına bənzədib.

Mərmərdən qadın heykəlinin orijinal olub-olmadığı, eləcə də hansı dövrə məxsusluğuna dair bilgilər Mərmərə Muzey Müdirliyinin nümayəndələrinin araşdırmasından sonra bəlli olacaq.


Müəllif: Leyla