İmperatriçə əməliyyat olunacaq – Xərçəng

Yaponiyanın fəxri imperatriçəsi Mitiko döş xərçəngi əməliyyatına girəcək.

Teleqraf.com xəbər verir ki, bu barədə “Sohu” informasiya portalı məlumat yayıb.

Hazırkı imperator Naruhitonun anası, 84 yaşlı Mitiko bədxassəli döş şişini çıxarmaq üçün əməliyyata hazırlaşmaq məqsədilə Tokio Universiteti Xəstəxanasına aparılıb. Bu gün fəxri imperatriçə bütün lazımi testlərdən keçəcək və ertəsi gün əməliyyat ediləcək.

Əməliyyatın təxminən dörd saat davam edəcəyi gözlənilir.