17 min sərnişin aeroportda qaldı - Səbəb

Yaponiyada tüğyan etmiş "Faksay" qasırğası ilə əlaqədar Narita hava limanında 17 min sərnişin qalıb.

Teleqraf.com xəbər verir ki, qasırğaya görə avtobus və qatarların hərəkəti dayandırılıb.

Hava limanında qalan sərnişinlərə yataq çantaları, su və qida paylanılıb.

Bundan başqa, üç prefekturada elektrik enerjisi kəsilib. Hökumət xəstəxana və sığınacaqlarda enerjinin kəsintisiz verilməsi üçün 200-dən çox generator quraşdırmağı planlaşdırır.