Qara Təpədə atışma zamanı 7 polis həlak oldu

Əfqanıstanın Tahar vilayətində “Taliban” yaraqlıları ilə təhlükəsizlik qüvvələri arasında silahlı qarşıdurmada 7 polis öldürülüb.

Teleqraf.com xəbər verir ki, “Taliban” silahlıları vilayətin Darkadakı Qara Təpə bölgəsinin polis idarəsinə hücum edib.

Silahlı qarşıdurmada 7 polis öldürülüb, 2 polis isə yaralanıb. Qarşı tərəfdən isə 11 terrorçu məhv edilib, 6-sı isə yaralanıb.

“Taliban” isə iddia edib ki, silahlı atışmada 16 polis əməkdaşı öldürülüb.