Ərdoğan ilə Putin arasında vacib müzakirə

Türkiyə prezidenti Rəcəb Tayyib Ərdoğan və Rusiyanın dövlət başçısı Vladimir Putin arasında telefon danışığı olub.

Teleqraf.com xəbər verir ki, telefon söhbəti zamanı Suriya və Liviyadakı vəziyyət başda olmaqla regional məsələlər müzakirə edilib.

Ərdoğan bildirib ki, Suriya ordusunun İdlibdəki türkiyəli hərbçilərə hücumu sülhün təmin edilməsi üçün atılan addımlara ciddi zərbə vurub. Türkiyə prezidentinin sözlərinə görə, oxşar hal yenidən baş verərsə, Ankara daha sərt cavab verəcək.