Paşinyandan skandal Qarabağ açıqlaması: “Bu nəticə bizim üçün məqbul olacaq”

Bir müddət əvvəl “Qarabağ Ermənistandır” açıqlaması ilə öz işğalçı mövqeyini nümayiş etdirən Ermənistan Baş naziri Nikol Paşinyan yenidən bu separatçı fikirlərinə istinad edib.

Teleqraf.com xəbər verir ki, işğalçı ölkənin hökumət başçısı növbəti dəfə öz mövqeyindən geri çəkilmədiyini nümayiş etdirib.

Paşinyan açıqlamasında Ermənistan və Azərbaycanın işğal edilmiş Qarabağ bölgəsindəki separatçı rejimin “suverenliyinin” İrəvan üçün ən yüksək dəyər olduğunu deyib:

“Qarabağ məsələsinin həlli üçün danışıqlar prosesinin məqsədi Qarabağ xalqının öz müqəddəratını təyin etmək və Qarabağ azadlıq müharibəsinin nəticələrini qorumaqdır. Aparılan danışıqların nəticələri o zaman məqbul sayılacaq ki, bu, Ermənistan və Qarabağ tərəfindən qəbul ediləcək”.