Türkiyə ABŞ-dan "Patriot" istəyib? - Açıqlama

Türkiyə İdlibdəki əməliyyatlarda Rusiya və Əsəd rejimi ilə mübarizə aparmaq üçün ABŞ-dan 2 ədəd Patriot sistemi istədiyinə dair iddiaları rədd edib.

Teleqraf.com xəbər verir ki, Türkiyə Müdafiə Nazirliyi "Blomberq" agentliyinin rəsmi Ankaranın ABŞ-dan 2 ədəd "Patriot" ZRK batareyası istədiyi barədə yaydığı xəbərin həqiqətə uyğun olmadığını bəyan edib.

Xatırladaq ki, Rusiya hərbi təyyarələri İdlibdə irəliləyən türk əsgərlərini və müxalifləri bombalayıb. Nəticədə iki türk əsgəri həlak olub, 5-i yaralanıb.