S-500-lər bu tarixdə istifadəyə veriləcək – Müdafiə nazirinin müavini

İlk S-500 zenit raket kompleksi 2021-ci ildə Rusiya Silahlı Qüvvələrinin silahlanmasına daxil olmalıdır. Sistemlərin ardıcıl təhvil verilməsi isə 2025-ci ilə planlaşdırılır.

Teleqraf.com xəbər verir ki, bunu Rusiya müdafiə nazirinin müavini Aleksey Krivoruçko deyib.

“Dövlət sınaqlarının tamamlanması və sistemin Silahlı Qüvvələrə təhvil verilməsi 2021-ci ildə planlaşdırılır”, – deyə o bildirib.

Krivoruçko qeyd edib ki, gələn il S-500 hava hücumundan müdafiə sistemlərinin 2025-ci ildə ardıcıl olaraq alınması üçün dövlət müqaviləsi imzalanacaq. Onun sözlərinə görə, hazırda sınaq təcrübələri keçirilir, S-500-lərin material hissəsi poliqondadır.