Şok iddia: Rusiya o ölkəni işğal edə bilər – Xəbərdarlıq/Video

Rusiya Federasiya Şurasının Xarici İşlər Komitəsinin üzvü, deputat Sergey Tsekov ölkəsinin adının çəkildiyi Rumıniya milli müdafiə strategiyasını şərh edib.

Teleqraf.com xəbər verir ki, Tsekov sənəddə Rusiyanın düşmən dövlət elan edildiyini bildirib.

O qeyd edib ki, Rumıniya “düşmən dövlət” adlandırdığı Rusiya üçün müdafiə strategiyası hazırlayır: “Baxmayaraq ki, uzunmüddətli tarix həmişə vəziyyətin tam tərsinə çevrildiyini göstərir. Hər zaman Rusiyaya düşmən olan Rumıniya idi”.

Tsekov əlavə edib ki, Rusiya yalnız özünü müdafiə edir.

Xatırladaq ki, bundan əvvəl rus ordusu Ukraynada işğal planını həyata keçirəndə bu, Moskvanın bəzi siyasi dairələrində “müdafiə məqsədli addım” adlandırılmışdı.

Rumıniya Ali Müdafiə Şurası ölkənin 2020-2024-cü illər üçün milli müdafiə strategiyasını təsdiqləyib. Sənəddə Rusiyanın hərbi imkanlarının artırılmasının ciddi çətinliklər doğurduğu bildirilir. Layihə parlamentin alt və yuxarı palatalarında təsdiqlənərsə, qüvvəyə minəcək.