UNO-larla bağlı şok iddia: “İyun ayına qədər...”

ABŞ Milli Kəşfiyyat Xidmətinin keçmiş əməkdaşı Con Retkliff uçan naməlum obyektlərə (UNO) dair faktların olduğunu iddia edib.

Teleqraf.com xəbər verir ki, o bu barədə “Foks Nyus” telekanalına müsahibəsində danışıb.

Retkliff ABŞ-da səsdən sürətli naməlum cisimlərlə bağlı dəlillərin olduğunu deyib.

Sözügedən obyektlərin izahedilməz manevrlər etdiyini bildirən keçmiş kəşfiyyatçı bu görüntülərdən bəzilərinin yayımlandığını vurğulayıb.

“İctimaiyyətə açıqlananlardan daha çox görüntü və faktlar var”, - Retkliff söyləyib.

Ötən il dekabrın 30-da imzalanan qərar çərçivəsində ABŞ Müdafiə Nazirliyindən (Pentaqon) UNO-larla bağlı bütün məlumatları 180 gün ərzində açıqlaması istənilib.

Qərar çərçivəsində UNO-larla əlaqədar hesabatın iyundan etibarən ictimaiyyətə açıqlanacağı gözlənilir.