15 İyun 2021 01:56
791
12 Punto 14 Punto 16 Punto 18 Punto

Türkiyə Respublikasının Prezidenti Rəcəb Tayyib Ərdoğan iyunun 15-də Azərbaycan Respublikasına rəsmi səfərə gəlib.

Teleqraf.com xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Türkiyə Prezidenti Rəcəb Tayyib Ərdoğanı və xanımı Əminə Ərdoğanı hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşılayıblar.

00:14

Türkiyə Prezidenti Rəcəb Tayyib Ərdoğan Belçikadan Azərbaycana yola düşüb.

Teleqraf.com xəbər verir ki, bu barədə “Anadolu” agentliyi məlumat yayıb.

Bildirilib ki, prezident NATO Zirvəsi və ikitərəfli görüşlərin ardından “TC-TUR” təyyarəsi ilə Azərbaycana gedib.

Ərdoğanı səfərdə həyat yoldaşı Əminə Ərdoğan, Milli Müdafiə Naziri Hulusi Akar, Türkiyə Prezident Administrasiyasının Kommunikasiya İdarəsinin sədri Fəxrəddin Altun, Prezident Administrasiyasının sözçüsü İbrahim Kalın, AKP sözçüsü Ömər Çəlik, AKP millət vəkili və NATO Parlament Assambleyası Türk Qrupu sədri Osman Aşkın Bak müşayiət edir.


Müəllif: Teleqraf.com