Rus gəmisi sərbəst buraxıldı – Kapitanı isə həbsdə qaldı

Yaponiya əvvəllər saxlanılan rus gəmisi “Amur”u sərbəst buraxıb, gəmi Nevelsk limanına yola düşüb.

Teleqraf.com xəbər verir ki, bu barədə Rusiyanın Yaponiyadakı baş konsulu Sergey Marin məlumat verib.

Onun sözlərinə görə, sənədlər bu gün gəmiyə qaytarılıb. Marin yalnız gəminin üçüncü kapitanının Yaponiyada qaldığını söyləyib.

Yaponiyada “Amur”un üçüncü kapitanı Pavel Dobryanskiyə qarşı cinayət işi açılıb.

Bu, “Amur”un mayın sonunda Monbetsu şəhəri yaxınlığında Yaponiyanın balıqçı gəmisi “Day-hati Hokko-maru” ilə toqquşduqdan sonra baş verib. Hadisə nəticəsində yapon gəmisindəki beş balıqçıdan üçü həlak olub. “Amur”da heç kim zərər görməyib.