30 İyul 14:34
904

“KTMT Azərbaycanla sərhəddəki gərginlikdə Ermənistana yardım etməsə, bu təşkilatın gələcəyini sual altında qoyacaq”.

Teleqraf.com xəbər verir ki, bunu erməni türkoloq Ruben Safrastyan deyib.

Baş nazir Nikol Paşinyanın KTMT-nin monitorinq missiyasının Ermənistan-Azərbaycan sərhədində yerləşdirilməsi ilə bağlı son təklifini şərh edən türkoloq “Rus NATO-su”nun bunu nəzərdən keçirməli və ciddi şəkildə müzakirə etməli olduğunu bildirib:

“Əgər bu dəfə KTMT yaradıldığı əsas funksiyaları həyata keçirə bilməyəcəksə, bu, bu təşkilatın gələcəyini çox böyük sual altına qoyacaq”.

Qeyd edək ki, Paşinyanın bu təklifinə cavab verən KTMT-nin baş katibi Stanislav Zas hərbi blokun bu məsələyə qarışmayacağını bildirib.

Belaruslu generalın rədd cavabı Ermənistanın ictimai-siyasi çevrələrində narazılıq yaradıb, müzakirələrə yol açıb. Bundan sonra Ermənistan baş nazirinə yaxın media qurumları İrəvanın “Rus NATO-su”ndan çıxması məsələsini gündəmə gətirib.


Müəllif: Mənsur Rəğbətoğlu