Ruslar atəşkəsi pozdu: Ukrayna ordusu itki verdi

Ukraynanın işğal edilmiş Donbas bölgəsindəki rusiyapərəst separatçıların açdığı atəş nəticəsində bir ukraynalı hərbçi həlak olub.

Teleqraf.com xəbər verir ki, Ukrayna Silahlı Qüvvələrinin verdiyi açıqlamada separatçıların dünən atəşkəsi 5 dəfə pozduqları qeyd edilib.

Açıqlamada Donbasın Zolotoye, Vodiyane, Şirokino, Novomixaylovka və Prisepilovka qəsəbələrindən separatçıların açdığı atəş nəticəsində bir Ukrayna əsgərinin öldüyü deyilib.

Məsələ ilə əlaqədar ATƏT məlumatlandırılıb.