Keçmiş əfqan nazir Almaniyada kuryer işləyir

Əfqanıstanın keçmiş rabitə və informasiya texnologiyaları naziri Sayed Əhməd Şah Sədat Almaniyanın Leypsiq şəhərində qida çatdırılma xidmətində kuryer olaraq işə düzəlib.

Teleqraf.com xəbər verir ki, bu barədə Almaniyanın "Leipziger Volkszeitung" qəzeti məlumat yayıb.

Nəşrin məlumatına görə, Sədat 2020-ci ildə vəzifəsini tərk edərək Almaniyaya köçüb.

Hazırda dolanışıq üçün "Lieferando" çatdırılma xidmətinə yemək və içkilər çatdırır. Keçmiş nazir kuryer kimi velosipeddən istifadə edir.