Fəthullah Gülən öldü, onu zəhərləyən də qətlə yetirildi – Şok iddia

FETÖ lideri Fəthullah Gülənin Pensilvaniyadakı evində zəhərlənərək öldüyü və onu zəhərləyən şəxsin də öldürüldüyü iddiaları sosial şəbəkələrdə gündəm olub.

Teleqraf.com xəbər verir ki, “Anadolu” agentliyinin Vaşinqton bürosunun rəhbəri Hakan Çopur məsələ ilə əlaqədar açıqlama verib.

“FETÖ liderinin zəhərləndiyi, ölmüş ola biləcəyi, onu zəhərləyənin öldürüldüyü ilə bağlı iddiaları yaxından izləyir və araşdırırıq”, - Çopur deyib.

O, hələlik yerli polis orqanlarına bununla bağlı məlumat daxil olmadığını bildirib:

“Bu, hələ o demək deyil ki, orada heç bir insident baş verməyib, nəsə olub və hələlik bu barədə polisə məlumat verilməyib. Amma belə bir xəbəri hətta təşkilat belə uzun müddət gizlədə bilməz. Yeniliklər barədə məlumat verəcəyik”.