Şok iddia: 100 milyonluq qırıcını yoxa çıxaran ehtimal...

Aralıq dənizində xidmət edən Britaniya Kral Hərbi Dəniz Qüvvələrinə məxsus “F-35B” tipli döyüş təyyarəsi havaya qalxdıqdan dərhal sonra qəzaya uğramışdı. Hadisə ilə bağlı aparılan ilkin araşdırmalar nəticəsində təyyarənin inanılmaz səhv ucbatından qəzaya düşdüyü üzə çıxıb.

Teleqraf.com xəbər verir ki, ingilis mətbuatı 100 milyon sterlinqlik “F-35”in mühərrikini qoruyan ucuz plastik yağış örtüyü səbəbiylə qəzaya uğradığını yazıb.

Təyyarə Aralıq dənizinə düşdükdən sonra ekipaj dəniz səthində qırmızı örtük tapıb. Texniki xidmət heyətinin qırmızı örtüyü çıxarmağı unutduğu və havaya qalxan “F-35”-in mühərrikinin örtüyü sorduğu vurğulanıb.

Təyyarə noyabrın 17-də qəzaya uğrayıb. Qırıcının pilotu son anda özünü xilas edə bilib.