İtaliyada COVID-in yeni mutasiyasına ilk yoluxma qeydə alındı

İtaliyada COVID-19-un yeni mutasiyası olan omikron ştammına ilk yoluxma halı qeydə alınıb.

Teleqraf.com xəbər verir ki, ştamm koronavirus testi müsbət çıxmış Cənubi Kampaniya bölgəsinin sakinində aşkarlanıb.

Bildirilir ki, o yaxınlarda Mozambikdən qayıdıb. Hazırda onu 5 ailə üzvü karantinə alınıb. Onların səhhəti normaldır.

Bundan əvvəl İtaliyanın səhiyyə naziri Roberto Speranza koronavirusun yeni təhlükəli ştamının yayıldığı bildirilən Afrikanın yeddi ölkəsində son 14 gün ərzində qalan insanların ölkəyə girişini qadağan etmək qərarına gəlib.