NATO gələn həftə Rusiyanın təkliflərini müzakirə edəcək

NATO-ya üzv ölkələr gələn həftə Şimali Atlantika Şurasında Rusiyanın təhlükəsizlik zəmanətləri ilə bağlı təkliflərini müzakirə edəcəklər.

Teleqraf.com xəbər verir ki, bunu Almaniyanın müdafiə naziri Kristin Lambrext Litvaya səfəri zamanı bildirib.

Onun sözlərinə görə, Almaniya NATO-dakı müttəfiqlərinin təhlükəsizliyini qorumaq üçün lazımi addımlar atmağa:

“Mən açıq şəkildə bildirdim ki, biz düşmüş olduğumuz gərgin vəziyyəti həm diplomatik səviyyədə, həm də etibarlı məhdudlaşdırma tədbirləri ilə həll etməliyik. Rusiyanın təqdim etdiyi təkliflərin müzakirəsi düzgün və vacibdir, lakin Rusiyanın NATO tərəfdaşlarına necə mövqe tutmağı tövsiyə etməyə icazə vermək olmaz”.

O qeyd edib ki, alyans Ukraynadakı vəziyyətin inkişafını diqqətlə izləyir.