Hindistanda qarışıqlıq - İzdiham nəticəsində 10-dan çox adam öldü

Hindistanın Cammu və Kəşmir ştatında dini bayram zamanı izdiham nəticəsində azı 12 nəfər ölüb, 13 nəfər yaralanıb.

Teleqraf.com xəbər verir ki, faciə yanvarın 1-nə keçən gecə Katra şəhəri yaxınlığındakı Vayşno Devi məqbərəsinin yaxınlığında baş verib.

Polis izdihamın zəvvarlar arasında baş verən mübahisə nəticəsində baş verdiyini açıqlayıb. Zərərçəkənlər təcili xəstəxanaya yerləşdirilib, onların bir çoxunun vəziyyəti ağırdır.

Hindistanın baş naziri Narendra Modi bildirib ki, həlak olanların ailələrinə təzminat olaraq 200 min rupi (təxminən 2,6 min dollar) veriləcək.