Donbasda atəşkəs pozuldu – Ukrayna ordusu itki verdi

Ukraynanın Donbas bölgəsində partlayıcı qurğunun partlaması nəticəsində iki hərbçi həlak olub.

Teleqraf.com xəbər verir ki, Ukrayna Silahlı Qüvvələrindən verilən açıqlamada partlayıcı qurğunun partlaması nəticəsində iki ukraynalı əsgərin həlak olduğu bildirilib.

Açıqlamada qeyd olunub ki, Piski rayonunda separatçılar atəşkəsi iki dəfə pozub.

2014-cü ildən bəri işğal edilmiş Donbasda separatçılarla Ukrayna ordusu arasında gedən qarşıdurmalarda 13 mindən çox insan həyatını itirib.