Rus ordusunun Şərq Hərbi Dairəsi döyüşə hazır vəziyyətə gətirildi

Rusiya Silahlı Qüvvələrinin Şərq Hərbi Dairəsində (ŞHD) “Vostok-2022” strateji komanda-qərargah təlimlərinə hazırlıq çərçivəsində qəfil döyüş hazırlığının yoxlanılmasına başlanılıb.

Teleqraf.com xəbər verir ki, bu barədə Rusiya Müdafiə Nazirliyindən bildirilib.

“Rusiya Federasiyası Silahlı Qüvvələrində qoşunların hazırlığının qış dövrünün planlaşdırılmış tədbirləri davam etdirilir. “Vostok-2022” strateji komanda-qərargah təliminə hazırlıq çərçivəsində Şərq Hərbi Dairəsinin hərbi hissələrində döyüş hazırlığının qəfil yoxlanılması həyata keçirilir”, - nazirlik qeyd edib.

Rusiya Müdafiə Nazirliyi vurğulayıb ki, Şərq Hərbi Dairəsinin bölmələri təyin olunmuş ərazilərdə hərtərəfli təminatın təşkili üzrə geniş spektrli tapşırıqlar hazırlamalı, döyüş hazırlığı mövzularında taktiki təlimlər və canlı atəşlə nəzarət-sınaq tapşırıqlarını yerinə yetirməli olacaqlar.

Beləliklə Şərq Hərbi Dairəsinin birlik və hərbi hissələri yüksək döyüşə hazır vəziyyətə gətiriləcək.