İrana qarşı müharibə məşqləri – Onlarla qırıcının qatıldığı gizli təlim

İsrail ordusu onlarla təyyarə ilə İrana hücumu simulyasiya edən gizli təlim keçirib.

Teleqraf.com xəbər verir ki, bu barədə İsrailin KAN telekanalı məlumat yayıb.

Yüksək vəzifəli amerikalı hərbçisinə müşahidəçi qismində hava qüvvələrinin təlimlərində iştirak etmək icazəsi verilib. Ordu İranda yerləşən hədəflərə hücumu simulyasiya edib.

Təxminən iki həftə əvvəl keçirilən gizli təlimə onlarla döyüş təyyarəsi qatılıb. Təlimdə havada yanacaq doldurma, uzaqmənzilli hədəfə hücum və yerüstü döyüş kimi müxtəlif ssenarilər məşq edilib.

Təlim İranın nüvə proqramı ilə bağlı Avstriyanın paytaxtı Vyanada davam edən danışıqların son mərhələləri fonunda həyata keçirilib.

İsrail Baş naziri Naftali Bennet fevralın 1-də ölkəsinin lazer hava hücumundan müdafiə sisteminin bir il ərzində işə düşəcəyini açıqlayıb.

Onun sözlərinə görə, qarşıya qoulan plan baş tutsa, İranın İsrail sərhədlərində qurduğu atəş halqası faktiki olaraq təsirsiz olacaq.