Belqorodda baş verənlərlə bağlı açıqlama: "Ukraynaya aid deyil"

Ukrayna Baş Qərargahının məlumatına görə, Rusiyanın Belqorod yaxınlığında baş verən partlayışlar təhlükəsizlik qaydalarına etinasız yanaşma və döyüş sursatlarının daşınması tələblərinin pozulması nəticəsində baş verib.

Teleqraf.com xatırladır ki, bu gün Rusiyanın Belqorod şəhəri yaxınlığında silah anbarında partlayışlar qeydə alınıb, arxasında yanğın çıxıb.

“Bu vəziyyət İkinci Dünya müharibəsi zamanı da daxil olmaqla, Rusiya hərbçiləri tərəfindən köhnəlmiş təhlükəli döyüş sursatlarının tipik kütləvi istifadəsinə misaldır”, - Ukrayna Baş Qərargahının məlumatında bildirilib.

Ukraynalı jurnalist Yuri Butusov rus təbliğatçılarının məlumatlarına istinadən qeyd edib ki, 19-cu Raket Briqadası Belqorod yaxınlığındakı Oktyabrskoye kəndində Rusiya Silahlı Qüvvələrinin raket və artilleriya anbarına Point-U raketini vurub.

Sonradan rus mediası bildirib ki, Belqorod yaxınlığında baş verən partlayışlara səbəb insan amili olub.