İşğal olunmuş vilayətdə referendum keçiriləcək – Xerson Rusiyanın bir subyekti olur

Xerson vilayətində Rusiya Federasiyasının tərkibinə daxil olmaqla bağlı referendum keçiriləcək. Əminəm ki, əhalinin ən azı 60-70%-i Rusiya Federasiyasına qoşulmağa səs verəcək.

Teleqraf.com xəbər verir ki, bu fikri “RİA Novosti”yə müsahibəsində Ukraynanın işğal olunmuş Xerson vilayətində Rusiya tərəfindən yaradılan hərbi-mülki administrasiya başçısının müavini Kirill Stremousov deyib.

Onun sözlərinə görə, Xerson vilayəti yaxın vaxtlarda Rusiya Federasiyasının tamhüquqlu subyektinə çevriləcək.