Ərdoğan-Putin danışıqları üç saatdan çox davam edib

Türkiyə və Rusiya prezidentləri Rəcəb Tayyib Ərdoğan və Vladimir Putin məhdud tərkibdə görüşü başa çatdırıblar.

Teleqraf.com-un TASS agentliyinə istinadən verdiyi məlumata görə, prezidentlərin təkbətək danışıqları planlaşdırılandan çox davam edib.

Reqlamentə əsasən, 1 saat 15 dəqiqə vaxt ayrılan görüş planlaşdırılan saatdan daha tez - Bakı vaxtı ilə saat 16:20-də başlayıb və təqribən 19:30-da baş çatıb. Bununla da görüş təqribən 3 saat davam edib.

Sonra prezidentlər Yüksək Səviyyəli Əməkdaşlıq Şurasının iclasında iştirak edəcəklər. V.Putin və R.T.Ərdoğanın mətbuat konfransında görüşün nəticələri barədə məlumat verəcəkləri gözlənilir.