Ukrayna böyük əks-hücum ərəfəsində - “Vəziyyət dəyişir, Baş Qərargah...”

“Ukrayna Silahlı Qüvvələrinin bütün istiqamətlərdə əks-hücum əməliyyatı mümkün deyil”.

Teleqraf.com xəbər verir ki, bunu ukraynalı hərbi eksert Aleksandr Kovalenko deyib.

“Çox güman ki, Silahlı Qüvvələrin hücumu hazırda cənubda olduğu kimi, ayrı-ayrı istiqamətlərdə olacaq. Amma Silahlı Qüvvələrin belə böyük əks-hücumu indi mümkün deyil”, - ekspert bildirib.

Kovalenkonun fikrincə, cəbhədə vəziyyət daim dəyişir və Ukrayna Silahlı Qüvvələrinin Baş Qərargahı öz ssenarilərini mütəmadi olaraq nəzərdən keçirməlidir.

Ukrayna Müdafiə Nazirliyinin Kəşfiyyat Baş İdarəsi isə Rusiyanın Ukrayna ordusunun əks-hücum ehtimalına görə cənuba çoxlu sayda qoşun göndərdiyini açıqlayıb. Söhbət işğal altındakı Donbasda yerləşən Hərbi Hava Desant Qüvvələrinin taktiki qruplarından gedir.

“Onlar öz qoşunlarının sayını artırır, bizim əks-hücumumuza hazırlaşır. Ola bilsin ki, bu, öz hücumlarını həyata keçirmək hazırlığıdır”, - məlumatda deyilib.