Ukrayna ordusunun əks-hücumu başladı – Əsas istiqamət...

Ukrayna hərbi qüvvələri cənub və digər ərazilərdə Rusiya ordusunun zəif nöqtələrini araşdırmağa çalışır.

Teleqraf.com xəbər verir ki, bunu ukraynalı hərbi ekspert Oleq Jdanov deyib.

Ekspert əks-hücumun uzun müddətdir davam etdiyini və bunun rus qoşunlarının maddi-texniki və hava hücumundan müdafiə sistemlərinin məhv edilməsi ilə başladığını bildirib. Eyni zamanda, cənub istiqamətində əks-hücum əməliyyatlarının intensivləşməsinə diqqət çəkib.

“Düşmənin zəif tərəflərini aşkar etməyə çalışırıq. Bu, ağıllı gedişdir. Əsas istiqaməti ancaq Baş Qərargah bilir”, - Jdanov vurğulayıb.

Onun sözlərinə görə, Ukrayna mümkün qədər öz hərbçilərinin həyatını xilas və resurslardan düzgün istifadə etməyə çalışdığı üçün əraziləri sürətlə azad edə bilmir.