Elan olunmamış səfər - Blinken Kiyevdə

ABŞ dövlət katibi Entoni Blinken elan olunmamış səfərlə Kiyevə gəlib.

Teleqraf.com xəbər verir ki, bu barədə Ukrayna mediası diplomatik dairələrə istinadən xəbər yayıb.

Xüsusilə, onun səfərinə Ukrayna rəsmiləri ilə görüşlər daxildir. Bu səfər ABŞ-ın Ukraynaya dəstəyini nümayiş etdirmək məqsədi daşıyır.

“Röyter” agentliyinin məlumatına görə, Kiyevdə ABŞ dövlət katibi Ukrayna və gələcəkdə Rusiyanın təcavüzü ilə üzləşə biləcək digər 18 dövlət üçün 2 milyard dollar məbləğində hərbi maliyyə vəsaitinin ayrılacağını açıqlayacaq.