Rus ordusu qaçır: Daha bir bölgə azad edildi

Luqansk vilayətinin Kuzemovka kəndi üzərində Ukrayna bayrağı qaldırılıb.

Teleqraf.com xəbər verir ki, bunu Luqanskın meri Sergey Qaydai bildirib.

“Bayraq işğaldan azad edilmiş kəndin qüllələrindən birində quraşdırılıb. Kuzemovka işğal altında olan Svatovo şəhərindən 25 kilometr aralıda yerləşir”, o deyib.

Qeyd edək ki, dünən Baş Qərargah Ukrayna qoşunlarının Xarkov istiqamətində uğurlu əks-hücum əməliyyatı nəticəsində rus ordusunun mövqelərini tərk edərək, qənimətlərlə birlikdə müvəqqəti işğal olunmuş ərazilərə və ya Rusiyaya qaçdıqlarını açıqlayıb.

Bu gün Dövlət Təhlükəsizliyi Xidməti Luqansk vilayətinin Svatovo şəhərindəki rus işğalçılarının Ukrayna Silahlı Qüvvələrinin bölgəyə doğru irəliləyən əks-hücumları səbəbindən təşviş içində olduqlarını, əşyalarını yığaraq qaçdıqlarını açıqlayıb.