28 Sentyabr 12:56
2 184
12 Punto 14 Punto 16 Punto 18 Punto

Sentyabrın 16-da İranda əxlaq polisi tərəfindən saxlanılan Məhsa Əmininin ölümündən sonra İran İnqilab Keşikçiləri Korpusunun komandirlərinin ailələrinin paytaxt Tehranda təhlükəsiz yerlərə yerləşdirdikləri iddia edilir.

Teleqraf.com türk mediasına istinadla bildirir ki, ailələrə də söz verilib ki, ümummilli etirazlar güclənərsə və ya hökumət devrilərsə onları Gürcüstana aparacaqlar.

Digər tərəfdən, ölkədə nümayişlər davam edir. İran rəsmiləri ölənlərin sayının 41 olduğunu açıqlasa da, insan haqları qrupları azı 75 nəfərin həyatını itirdiyini bildirib.

Qeyd edək ki, İranın xarici işlər naziri Hüseyn Əmir Abdullahiyan bəyan edib ki, İran rəngli inqilabların və ya çevrilişlərin olacağı ölkə deyil:

“ABŞ bilməlidir ki, İranda rejim dəyişikliyi olmayacaq”.


Müəllif: Nemət