Türkiyə XİN ABŞ-ın Kiprlə bağlı qərarını pislədi

Türkiyə Xarici İşlər Nazirliyi (XİN) Kipr Respublikasının Pentaqonun Milli Qvardiya Bürosunun Dövlət Tərəfdaşlığı Proqramına daxil edilməsini pisləyib.

Teleqraf.com xəbər verir ki, bu barədə Türkiyə XİN-in bəyanatında deyilir.

Qeyd olunub ki, iki həftə əvvəl Kipr Respublikasına qarşı silah embarqosunu ləğv edən ABŞ-ın bu yeni addımını izah etmək üçün mümkün deyil.

Bəyanatda ABŞ-nın bu addım ilə adada iki tərəf arasındakı balansı pozaraq tərəf tutduğu vurğulanıb:

“ABŞ belə addımlarla Kipr probleminin ədalətli, daimi və davamlı həllinə nail olunması prosesində konstruktiv rol oynamaq imkanını da itirir. Türkiyə qarant ölkə olaraq Kipr türk xalqının təhlükəsizliyini təmin etmək üçün bütün lazımi addımları atmağa davam edəcək”.