Parçalanma ola bilər: Britaniya kralına and içməkdən imtina etdilər

Kanadanın fransızdilli Kvebek əyalətində iki müxalifət partiyasının nümayəndələri rəsmi olaraq Kanadanın başçısı olan Britaniya kralı III Çarlza sədaqət andı içməkdən imtina ediblər.

Bu barədə Teleqraf.com TASS CTV telekanalına istinadən xəbər verir.

Bildirilir ki, belə bir qərarı Kvebek Solidaire partiyasının 11 üzvü və oktyabrın 3-də keçiriləcək seçkilərin nəticələrinə görə əyalət parlamentində təmsil olunacaq Kvebek partiyasından üç deputat qəbul edib.

Bu günə qədər onlar yalnız Kvebek xalqına sədaqət andı içiblər, lakin Kanada konstitusiyasının tələb etdiyi kimi Britaniya monarxına sədaqət andı içməkdən imtina ediblər.

“Kvebek partiyası”nın lideri Pol Sen-Pyer Plamondonun fikrincə, onun üçün krala and içmək “Kvebek xalqının hər seçilmiş nümayəndəsini ikiüzlülüyə məhkum edən dəli gödəkçəsinə” bənzəyir.

Mülahizələrə görə, 56 ölkədən ibarət Britaniya Millətlər Birliyi III Çarlzın hakimiyyətə gəlməsindən sonra parçalana bilər.

Qeyd edilir ki, belə böyük birliyin mövcud olmağa davam etməsinin səbəbi kraliçanın şəxsiyyətinə böyük sədaqət hissi ola bilər.