Donetskdə dəmiryol binası HİMARS-la vuruldu

Ukrayna ordusu işğal edilən Donetskdə dəmiryolları binasına zərbə endirib.

Teleqraf.com-un məlumatına görə, Donetsk meri Aleksey Kulemzin Rusiya dövlət kanalı “"Rossiya 24”ə bildirib ki, Ukrayna hərbi qüvvələri ilhaq edilmiş Donetsk şəhərində dəmiryol idarəsinin binasına hücum edib.

Binanın ABŞ istehsalı HIMARS çoxlüləli reaktiv yaylım atəşi raketləri ilə vurulduğunu ifadə edən Kulemzin əlavə edib ki, obyektə 6 ədəd HIMARS raketi atılıb:

"Hücum nəticəsində binada yanğın baş verib. Yanğınsöndürmə işlərinin davam edir. Binaya ciddi ziyan dəyib".