Donetskdə döyüşlər şiddətlənir – Doqquz yöndə hücum dəf edildi

Ötən sutka ərzində Ukrayna ordusu Donetsk vilayətinin 9 yaşayış məntəqəsi ərazilərində rus qüvvələrinin hücumlarını dəf edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat verib.

Məlumatda bildirilir ki, işğalçı qüvvələr Baxmut, Avdivka və Novopavlov istiqamətlərində hücum əməliyyatlarını dayandırmırlar.

“Son 24 saat ərzində Ukrayna hərbçiləri Donetsk vilayətinin Beloqorivka, Kurdyumivka, Novokalynovka, Vesele, Avdivka, Pervomaysk, Vodyane, Novomixaylivka və Vremivka ərazilərində rus işğalçılarının hücumlarını dəf ediblər”, - Baş Qərargahdan bildirilib.

Rus ordusu Dnepr çayının sol sahilində müdafiə xətləri qurmaqda davam edir.

Ruslar Zaporoje və Xerson vilayətlərinin bir sıra yaşayış məntəqələrini tank və artilleriyadan atəşə tutublar.