“Duma Putinə Ukraynaya qoşun yeritmək üçün izn versin”

“Duma gərək Rusiyanın maraqlarını qorumaqdan ötrü Prezident Vladimir Putinə Ukrayna ərazisinə qoşun yeritmək haqqında rəsmi icazə versin”.

Axar.az xəbər verir ki, bu açıqlama ilə “Ədalətli Rusiya” fraksiyasının deputatı Mixail Yemelyanov çıxış edib.

O, Rusiyanın ABŞ-ın Ukraynaya ən müasir silahlar verməsinə sakit baxmamalı olduğunu deyib:

“Biz özümüzü zəif göstərməməliyik. Situasiya çox təhlükəlidir. ABŞ Ukraynanı Rusiya əleyhinə döyüşçüyə çevirmək istəyir. Onlar bilirlər ki, Ukraynanın taleyi heç vaxt bundan yaxşı olmayacaq”.