Conson çıxışlarından 1 milyondan çox qazanıb

Böyük Britaniyanın keçmiş baş naziri Boris Conson vəzifəsindən getdikdən sonra xeyli miqdarda pul qazanıb.

Teleqraf.com xəbər verir ki, istefa verdikdən sonrakı müddətdə siyasətçinin gəliri ictimai çıxışlar sayəsində 1 milyon funt-sterlinqdən (1,2 milyon dollardan çox) çox olub.

Noyabrda Conson üç çıxışına görə 750 min funt-sterlinqdən (932,6 min dollar) çox qonorar alıb. Oktyabr ayında isə o, Sığorta Agentləri və Brokerləri Şurasının konfransında yarım saatlıq çıxışına görə təxminən 276 min funt-sterlinq (343,2 dollar) qazanıb.

Qeyd edək ki, iyulun 7-də istefa verdiyini açıqlayan Britaniya hökumətinin keçmiş başçısı Kiyevi ən qızğın dəstəkləyən siyasətçi kimi yadda qalıb.