Xorvatiyanın Şengenə üzvlüyü təsdiqləndi

Avropa İttifaqının (Aİ) dövlət və hökumət başçıları Xorvatiyanın Şengen zonasına daxil olmasını təsdiqləyib.

Teleqraf.com xəbər verir ki, Avropa İttifaqı Şurasının Prezidenti Şarl Mişel Aİ-nin Brüsseldəki sammitindən sonra keçirilən mətbuat konfransında Bolqarıstan və Rumıniyanın 2023-cü ildə Şengen zonasına daxil olacaqlarına ümidini ifadə edib.

Aİ-nin Daxili İşlər və Ədliyyə Şurasının dekabrın 8-də Brüsseldə keçirilən iclasında Xorvatiyanın Şengen zonasına qoşulması təsdiqlənib, Rumıniya və Bolqarıstanın müraciətləri isə Avstriya və Niderlandın etirazları nəticəsində rədd edilib.