III Çarlz ilk Milad müraciətini etdi

Böyük Britaniya kralı III Çarlz sentyabrda taxta çıxdıqdan sonra Milad bayramı münasibətilə xalqa ilk televiziya müraciətini lentə aldırıb.

Teleqraf.com xəbər verir ki, Bukinqem sarayının yaydığı məlumata görə, monarxın dekabrın 25-də nümayiş etdiriləcək çıxışı Vindzor qəsri ərazisindəki Müqəddəs Georgi kapellasında lentə alınıb. Çəkiliş BBC Yayım Korporasiyasının rejissor komandası tərəfindən aparılıb.

Xatırladaq ki, anası II Elizabet sentyabrın 8-də 96 yaşında Şotlandiyada Balmoral qəsrində vəfat etdikdən sonra III Çarlz Böyük Britaniyanın yeni kralı olub.