Ukrayna nə vaxt AB və NATO-ya üzv olacaq? - Zelenski açıqladı

Ukrayna Prezidenti Vladimir Zelenski ölkəsinin NATO və Avropa Birliyinə (AB) üzvlüyünün Rusiyanın sistemli şəkildə zəiflədilməsinə bağlı olduğunu iddia edib.

Teleqraf.com xəbər verir ki, Zelenski Ukraynanın iki ildən sonra AB-yə üzv ola biləcəyini söyləyib.

Ukrayna lideri ölkəsinin AB-nin tamhüquqlu üzvü olması üçün ən azı on il lazım olduğunu deyən dünya liderlərinin pessimist proqnozlarını tənqid edib.

“İki ildən sonra özümüzü Avropa Birliyində görürük. Bizə təhlükəsizlik zəmanəti lazımdır”, - Zelenski bildirib.

Zelenski həmçinin qeyd edib ki, Ukrayna Rusiya ilə müharibəsində qələbədən sonra NATO-ya üzv ola bilər. Onun sözlərinə görə, bu, Qərb liderləri Ukraynanın təhlükəsizlik zəmanətləri paketini təsdiq etməmişdən əvvəl baş verəcək.

“Artıq yavaş-yavaş qərar verirlər. Qələbədən sonra NATO-da olacağmıza inanıram”, - Ukrayna lideri qeyd edib.