Moskvada güclü yanğın - Foto

Moskvanın şimal-şərqində güclü yanğın baş verib.

Teleqraf.com xəbər verir ki, yanğın 1,5 min kvadratmetr ərazini əhatə edib.

Rusiya Fövqəladə Hallar Nazirliyi bildirib ki, binadakı təkərlər və yağlar yanğının söndürülməsini çətinləşdirir.

İlkin məlumata görə, 3 nəfər binadan çıxarılıb. Binada partlayış səsləri eşidilib. Moskva prokurorluğu bildirib ki, avtoservis binası yanır, dam örtüyü uçub.

Qeyd edək ki, yanğın dəniz və aviasiya reaktiv silahları üçün radionəzarət kanalları hazırlayan Elmi Tədqiqat Dəqiq Alətlər İnstitutunun yaxınlığında olub.