NATO-dan Türkiyəyə yardım: 1000 konteyner göndərilir

NATO-nun Neapoldakı Birləşmiş Qüvvələr Komandanlığından verilən açıqlamaya görə, Türkiyəyə ən azı 1000 konteyner göndərilir.

Teleqraf.com xəbər verir ki, zəlzələdən zərərçəkənlərə sığınacaq verəcək obyektlərin göndərilməsi üçün hazırlıqlar bir müddət əvvəl başlayıb.

Türkiyəyədə müvəqqəti yerləşdirmə obyektlərinin daşınması və yaradılması üçün 6 nəfərlik kəşfiyyat qrupu əvvəlcə çöl tədqiqatı aparıb.

İtaliyanın Taranto şəhərində yerləşən NATO-nun Cənub Əməliyyatlar Mərkəzindəki anbarlarda saxlanılan konteynerlər çıxarılaraq daşınmaq üçün yerləşdirilməyə başlanıb. Konteynerlərin ilk hissəsi gələn həftə daşınacaq.

Ən azı 2000 nəfərin yarı daimi yaşayış yerlərində sığınacaq tapacağı gözlənilir.

Bildirilib ki, adətən NATO-nun təlim və əməliyyatlarında istifadə olunan qərargah komplekslərindən ibarət olan obyektlər arasında istilik, generatorlar və müalicə sahələri kimi obyektlər var.