Polşa Ukrayna ilə sərhəddə keçid məntəqəsi yaradır

Ukrayna və Polşa sərhəddə ümumi keçid məntəqələrinin yaradılması üzərində işləyirlər.

Teleqraf.com “RİA Novosti”yə istinadla xəbər verir ki, bu barədə Ukraynanın infrastruktur nazirinin müavini Sergey Derkaç bildirib.

Derkaçın sözlərinə görə, belə məntəqələrin tikintisinə 2023-cü ilin sonunda - 2024-cü ilin əvvəlində başlana bilər. Lazımi sənədlər Polşa tərəfi ilə razılaşdırılır.

“Bu, vahid binadır, vahid ərazidir. Və bu, sərhədi keçmə prosedurunu sürətləndirir. Həmçinin burada korrupsiya və qaçaqmalçılıq riskləri var”, - deyə siyasətçi bildirib.