İsrail və Yunanıstan arasında hərbi anlaşma – İmzalar atıldı

İsrail Müdafiə Nazirliyi Yunanıstanla imzalanan müqavilə ilə bağlı açıqlama verib.

Teleqraf.com xəbər verir ki, açıqlamada iki ölkənin müdafiə nazirlikləri arasında müdafiə sazişinin imzalandığı bildirilib.

Müqaviləyə əsasən, İsrail Yunanıstana “Spike” NLOS raketləri satacaq.

Afinaya satılacaq raketlərin dəyəri 370 milyon avrodur. Raketləri İsrailin dövlət müdafiə sənayesi şirkəti “Rafael” istehsal edəcək.

“Rafael”in istehsal etdiyi tank əleyhinə idarəolunan raketlərdən bir çox Avropa Birliyi və NATO ölkələri istifadə edir.