Sudandakı toqquşmada ölənlərin sayı 56-ya çatdı- Yeniləndi

Sudanda toqquşmalar nəticəsində ölənlərin sayı 56-ya çatıb.

Teleqraf.com TASS-a istinadən xəbər verir ki, bu barədə ölkənin Həkimlər Komitəsi məlumat yayıb.

Yaralananları sayı isə 595 nəfər olub.

***

01:58

Sudanda baş verən toqquşmalarda azı 25 nəfər ölüb, 183 nəfər yaralanıb.

Teleqraf.com xarici KİV-ə istinadən xəbər verir ki, ölən və yaralananların hamısının mülki şəxs olub-olmadığını müəyyən etmək mümkün olmayıb.

Daha əvvəl məlum olub ki, Birləşmiş Millətlər Təşkilatının Təhlükəsizlik Şurası bazar ertəsi, aprelin 17-də Sudanda vəziyyətin gərginləşməsini müzakirə edəcək.

Sudan ordusunun komandanı general Əbdülfəttah əl-Burhan isə bildirib ki, hücumlar davam edərsə, müxtəlif bölgələrdən qüvvələri Xartuma gətirəcək.

Qeyd edək ki, Sudanda ordu ilə Çevik Dəstək Qüvvələri (RSF) arasında qarşıdurmalar hələ də davam edir.