Türkiyədə korrupsiya qalmaqalı ilə bağlı son qərar
5 Yanvar 2015 22:53
1 201
Türkiyədə "nazirlərin işi" adlanan korrupsiya qalmaqalı ilə bağlı istintaq artıq yekunlaşmaq üzrədir. Belə ki, ölkədə böyük hay-küyə səbəb olan bu olayla bağlı Məclis İstintaq Komissiyasının əlaqədar verdiyi qərar açıqlanıb. Korrupsiya hallarında günahlandırılan sabiq 4 nazirlə verilən son qərar heç də birmənalı qarşılanmayıb.
Teleqraf.com-un Türkiyə mətbuatına istinadən verdiyi xəbərə görə, Məclis İstintaq Komissiyası mənimsəmə və rüşvətdə günahlandırılan 4 keçmiş nazirin (AK Partiyadan olan nazirlər Muammer Gülər, Zəfər Çağlayan, Egemen Bağış və Ərdoğan Bayraktar) Ali Məhkəməyə göndərilib-göndərilməməsi barədə qərar verib. Komissiya səs çoxluğu ilə nazirlərin Ali Məhkəməyə cəlb edilməməsi qərarını çıxarıb.
22 dekabrda keçirilməsi planlaşdırılan, ancaq etirazlar səbəbindən 5 yanvara kimi təxirə salınan səsvermənin nəticəsi qəti qərar hesab edilməsə də, bunu Türkiyədə əhəmiyyətli göstərici hesab edirlər. Komissiya qurulduğu gündən 245 gün sonra toplanıb və təxminən 3,5 saat davam edən toplantıda 9 AK Partiya, 4 CHP və 1 MHPli üzv səs verib.
Müəllif:
.jpg)
.jpg)
.jpg)
.jpg)
.jpg)
.jpg)
