Rusiya ətrafında halqa daralır – İsrail də təsdiqlədi

İsrail xarici işlər naziri Eli Koen Ukraynanın Xerson vilayətində Kaxov su elektrik stansiyasında (SES) baş verən partlayışı şərh edib.

Teleqraf.com xəbər verir ki, nazir SES-in bəndinin Rusiya tərəfindən partladıldığını bildirib.

“Hesablamalarımıza görə, bəndi Rusiya partladıb”, - Koen deyib.

Partlayış nəticəsində onlarla yaşayış məntəqəsi su altında qalıb. Əhalinin su altında qalan ərazilərdən kütləvi təxliyəsi həyata keçirilir.

Rusiya olayda iştirakını inkar edir, dünya liderləri, o cümlədən ABŞ Prezidenti Co Bayden, NATO baş katibi Yens Stoltenberq, Avropa Şurasının prezidenti Şarl Mişel və digərləri Kremli günahlandırıb.