Ukrayna ordusu işğal edilmiş şəhərə girdi – Rus hərbçiləri əsir düşdülər

Ukrayna ordusu Baxmut istiqamətində 101 Rusiya hərbçisini məhv edib, 174 nəfər yaralanıb, 9 nəfər isə əsir götürülüb.

Teleqraf.com xəbər verir ki, bu barədə Ukrayna ordusunun “Şərq” Hərbi Komandanlığının sözçüsü Sergey Çerevatı məlumat verib.

Onun sözlərinə görə, Ukrayna hərbçiləri bir neçə həftədir Baxmut istiqamətində təşəbbüsü möhkəm saxlayırlar.

“Bu gün də bu istiqamətdə çox gərgin keçdi. Düşmən ümidsizcə müqavimət göstərir. Baxmut istiqamətində mövqelərimizi 451 dəfə atəşə tutublar. Ümumilikdə 16 toqquşma baş verib, 3 hava hücumu olub, 101 işğalçı məhv edilib, 174 nəfər yaralanıb, 9 nəfər əsir götürülüb”, - Çerevatı bildirib.