Putinlə Merkel Ukraynanı müzakirə etdi

Rusiya prezidenti Vladimir Putin və Almaniya kansleri Angela Merkel arasında telefon danışığı olub. Teleqraf.com-un Rusiya KİV-ə istinadən verdiyi xəbərə görə, bu barədə Kremlin saytında yerləşdirilmiş məlumatda deyilir.

Tərəflər Ukrayna böhranının müxtəlif aspektlərini müzakirə ediblər. Putin diqqəti prioritet məsələ kimi atəşkəs rejiminin gözlənilməsi və Ukraynanın cənub-şərq regionlarının iqtisadi bərpasına dəstəyin vacibliyinə yönəldib.

“Putin və Merkel “Normand formatı”nda birgə səyləri gücləndirmək barədə razılığa gəliblər”, - deyə məlumatda vurğulanır. /musavat.com/